الوطن(الغواص الغريق G-T-F)

يقولـون سمعنـا قصيـد الوطـن نبغـيـه

وأنا أقول هاكـم والوطـن يستحـق أرواح

ولكـن مـن اللـي بالقوافـي قـدر يوفيـه

أشوف أن مدات الشعـر لـو تجـود شحـاح

تعجز المشاعر لو بغـرف البحـر وأعطيـه

ولا أشين من الطبعه سـوى طبعـة السبـاح

عجزت افصح اللي في كنين الصـدر مخفيـه

وأشوف السكات أفصح الى ما انصف الإفصاح

احبـه ولـو مابيّـن القـاف كيـف أغليـه

وحبـه شربتـه واجتمـع فالـفؤاد وســاح

قطر موطني وانـا مثـل مـن تربـوا فيـه

راع البـل وراع المـال والغيـص والفـلاح

رجـال ٍ الـى سمعـوا نـداه اجمعـوا لبيـه

تطيح الغتر والروس بس العلم مـا طـاح

ولدنـا يجـي فـي لازم الـدار هـو وابيـه

مجـي المعيـد الموجـب لراعـي التـلـواح

سواعد الاميـر وفالمحافـل فخـر و وجيـه

ونارد حياض الموت كنحـن خـرز مسبـاح

وسيوف لولـي العهـد فـي لازمـه وايديـه

دروع عليـه و فالـلـوازم قـنـا ورمــاح

جنود الوطـن لاحتاج الأمر وذرى يذريـه

ولسـان ٍ فصيـح ٍ قاطـع ٍ يسكـت النبـاح

رجـال اللـوازم كلـنـا والعـهـد نوفـيـه

علـي بالطـلاق انـه كـلام مهـو بمـزاح

هـذا بعـض ما فالصـدر للـدار يـا باغيـه

كتبتـه قصيـد وديـرتـي تستـحـق أرواح
الغواص الغريقG-T-F

"مشكوررررررررررررررررررررر" على هذه الكلمات أيها الغواص الغريق" "الصديق الجديد"