مفتول فلسطيني بالصور

موضوع: مفتول فلسطيني بالصور 2012-06-24, 3:20 pm

مفتول فلسطيني بالصور

جزء كبير من كلمات النص بالنكهة العامية الفلسطينية بدكم تتحملوني !!

ما في أزكى من أكل الأم

لو كبرنا وسافرنا وتغربنا وتزوجنا وتركنا بيوت أمهاتنا رح نظل نحن لأكلهن ولأيامهن ، فدرويش لم ينس خبز وقهوة أمه طوال سنوات منفاه وغربته وفي كل مناسبة كان يردد قصيدته الجميلة ” احن إلى خبز أمي ..” حتى حفظها العالم وأصبحت نشيداً وطنياً ، حال درويش حال الكثيرين منا

كنت قبل يومين عند صديقي أبو الصابر وحدثني عن قصته مع مفتولات زوجته ، ولن أبخل عليكم بها ما دام حديثنا عن المفتول الفلسطيني..

اشتهى أبو الصابر أكلة مفتول فطلبها من زوجته أم الصابر ..

المسكينة ما حبت تخيب ظنه فيها و تقولو ما بعرف اعملها . وقلتلو يومها :

ولا يهمك يا أبو الصابر بكره غداك مفتول من أيدين حبيبتك أم الصابر ..

جاء بكره ويومها ما افطر أبو الصابر وهو عم بستنى بمفتولات أم الصابر

معدة ابو الصابر عم بتطرق وبتسعجل بالغدا

وضعت أم الصابر مفتولاتها ، وشمر أبو الصابر عن أيديه وجهز اكبر معلقة لاقاها بالمطبخ – تقولوا مغرفة - وقبل ما ينزل طحن ، قعد يتأمل بطبق المفتول المزركش بالحمص والجزر واللحم واللوز ويقول بعقله منين بدي آكلك يا مفتولتي ..!!

ملعقة واحدة كانت كفيلة بإيقاظ أبو الصابر من أحلامه المفتوليه وتذكره انه بحضرة ام الصابر مش بحضرة والدته الشهيرة بعمل المفتول

فشتان بين بنات الميكروف والفل اتوماتيك وكل شيء جاهز وبين بنات الطوابين والطبخ والنفخ على النار

اتضح لابو الصابر أنهن مفتولات أم الصابر من المفتول الجاهز يلي بيبعوه بالدكاكين واللي بيصنعوه من الطحين الأبيض وطعمه بيختلف اختلاف كلي عن طعم المفتول البلدي المصنوع من طحين القمح البلدي الأسمر ..

قرر أبو الصابر أنه يصطحب أم الصابر لبيت والدته لحتى تتعلم عمل المفتول الفلسطيني على اصواله

وعلى رأي المثل

أعطي الخبز لخبازه و لو أكل نصه

وما رح ابخل عليكم جيران الأعزاء بجولة مصورة مع مفتولات “ أم سامح “ أطال الله بعمرها وهي تنافس أم الصابر بعمل المفتول الفلسطيني :

مفتول فلسطيني بالصور 60d1d7aa20f4780635df073bfd62aa31_lm

مفتول فلسطيني بالصور 60d1d7aa20f4780635df073bfd62aa31_lm

بنجيب الطحينات “ طبعاً طحين بلدي اسمر “

مفتول فلسطيني بالصور 249857a09d6f024df8113028c9a6ff64_lm

بنحضر المفتوليه ،ويلي ما بعرفها يسأل عنها

وهذا البرغل المنقوع بالماء

نضعه “اي البرغل” بلجن المفتول

ونبدأ باضافة الطحين عليه والفتلّ