نكت حلوة 2011

موضوع: نكت حلوة 2011 2011-08-08, 6:10 pm

واحد مسطول بيقول لصاحبه مش عارف يأ أخي عود الكبريت ده ما بيولعش ليه مع إنه لسه مولع من شوية.

صومالى ركبه عفريت العفريت مات من الجوع .

واحد ندل اشتغل في المطافى عبا حنفيات الحريق بنزين .

مسـطــول بيتصل بالمطافى: إيه يا جماعة؟ إذا ماكانش فى حريقة ماحدش يشوفكوا.

مره اتنين داخلين محل جزم هو ومراته فقال لصاحب المحل هتلها جزمه زحافي قالتله لا بكعب قالها لا زحافي قالتله لا بكعب فصاحب المحل زهق منهم قال للراجل ياعم هاتلها بكعب هو انت اللي بتلبس قالوا ياعم انت مالك هوانت اللي بتنضرب .

ديك و فرخه معديين من قدام محل شاورما ..الديك بيقولها شوفى اللى بيحصل للى مبتسمعش كلام جوزها.

واحد مسطول بيسأل مراته هو لما بنفتح باب الحمام النور بينور قالت له لا قالها يبقى أنا عملتها فى الثلاجة .

واحد سأل مسطــول ، قال : أمك حيه ؟ قال : لا عقرب .. قال : أقصد عايشة ؟ قال : لا خديجة ! .

مســطــول بيحل الكلمات المتقاطعة:
مثنى صخرة : ح ج ر ي ن
من اجزاء الجسم : د م ا غ
رتّب : ر ص
من ابراج الحظ : ا ل ج و ز ة
يجيدها الترزى : غ ر ز ة
لمعس مبعثرة : م ع س ل
اداة استفهام : ك ي ف
تجدها فى سمبوكسة : ك ب س ة
ملقاط كبير : م ا ش ة
من اوصاف الدنيا : غ ا ب ة
يجذب : ي ش د
جمع شهيق : ا ن ف ا س

واحد يشتكي لصاحبته:
قال لها : يمكن مكنش غني .. ولا عندي عربية ولا فيلا ولا مزرعة ولا شركه ولا فلوس زي محسن صاحبي ولكني أعشقك واحبك .. فضمته ودمعت عيناها وقالت : إن كنت بتحبني بجد .....عرفني على محسن

مــرة واحد حب يسكر فقرر الذهاب إلي اقرب بار و في البار حدث ما لم يكن في الحسبان
جلس صاحبنا علي البار و أستمع إلي حوار يدور بين أثنين سكرانين تعالوا نشوف ايه اللي سمعه
1: مساء الخير
2: مساء النووور
1: هو الأستاذ منين ؟
2: انا من القاهرة
1: يا محاسن الصدف اصل انا كمان من القاهرة
2: هو حضرتك منين من القاهرة
1: انا من المطرية
2: يا محاسن الصدف اصل انا كمان من المطرية
1: هو حضرتك منين من المطرية
2: ش التحرير
1: معقولة ؟ اصل انا كمان من ش التحرير
2: يااه مش ممكن
1: ليه ؟
2: مش عارف
1: ان شاء الله
طبعا ً صاحبنا استهتر بالحوار و قال عادي اي اتنين سكرانين ممكن يقولوا اي كلام لكن تعالوا نشوف بقية الحوار

1: هو حضرتك منين من ش التحرير
2: انا من عمارة رقم 40
1: مش ممكن اصل انا كمان من نفس العمارة
2: هو حضرتك ساكن في الدور الكام
1: انا في الدور الثالث
2: مستحيل دا انا كمان في الدور الثالث
1: يااااااااااااااه شوف الصدف يا اخي تبقي ساكن في نفس المنطقة و الشارع و كمان نفس الدور في العمارة و مانعرفش بعض
2: اه والله حاجة غريبة فعلا
1: هو حضرتك في اي شقة بالظبط
2: اللي جنب السلم
1: مستحيل دانا كمان ساكن في نفس الشقة

و طبعا صاحبنا في اللحظة دي كان هايتجنن
جه صاحب البار و قال له :
ياعم ماتخدش في بالك ده واحد و ابوه بيجوا يسكروا هنا كل يوم .

مره واحد بارد اوى ركب اوتوبيس لاقى واحدة حلوة اوى قاعدة فى الاوتوبيس غمزلها غمزيلتو ضحكلها ضحكتلو قالها انزلى المحطة اللى جاية نزلت راح قاعد مكانها.

مرة واحد اقرع خلف ولد سماه شعراوى .

غبي دافن نصه في الارض ليه
يصور فيديوكليب انا عايش ومش عايش

واحد غبــــى حب يقتل سمكة قام غرقها.

مرة واحد راح يخطب واحده، باباها قال له بس البنت لسة بتدرس، قال له خلاص اجلها في الفسحه .

موضوع: رد: نكت حلوة 2011 2011-08-08, 7:32 pm

هههههههههههههههههههههههههههههههههههه

شي رائع ..... تسللم ايديك

موضوع: رد: نكت حلوة 2011 2011-08-09, 3:55 pm

الله يسلمك يا رب

موضوع: رد: نكت حلوة 2011 2011-08-09, 9:57 pm

ههههههههههههههههههههههههههههههههههه

جمع شهيييق انفاااس لكان

هههههههههههههههههههههه

حشيييييييييييييييييييييييييييييششييييييييييييييييييييييييييييييييييييييييييييييييييييييش

تسلم ايديك

موضوع: رد: نكت حلوة 2011 2011-08-10, 2:47 pm

هههههههههه اي تحشيش و بنعجب هههههههههههههههههه لول

» نكت باااااااااااايخة بس حلوة
» تحشيش 2011
» لعبة حلوة وسهلة...يلا نلعب
» كلمات قصيرة و حلوة عن طفلة فلسطينية
» لعبة حلوة كثيييييييير ومسلية للاعضاء واتمنى انها تنال اعجابكم