فقر الدم,,,,,,,,أو الانيميا

كيفكو ؟



كتير منا بيسمعوا عن فقر الدم... أو الأنيميا


وكتير ناس بكون معهم وما بكونو حاسين ع حالهم..


وكتير ناس برضه بفكروا معهم ... وما بيعرفوا شو يعني....



طيب والحل ؟


(( صحيح دم بصير فقير...بس أكيد الحل مش مصاري!! ))




زي ما بتعرفوا كريات الدم الحمراء فيها جزيء اسمه هيموغلوبين .. هادا مسؤول عن حمل الأوكسجين من الرئتين لباقي أنسجة الجسم...


مش بنسمع بناس قوة دمها 10 وناس قوة دمها 12 ؟!


هادا هو مقياس تركيز الهيموغلوبين بالدم وبشكل عام ممكن نقول لازم يكون فوق ال غرام\ديسيليتر 12 للنساء و فوق 13 للرجال وفوق ال 11 للأطفال..



أي نقص فيه شو ممكن يكون نتائجه؟؟



هادا هو فقر الدم أو Anemia .. نقصان للهيموغلوبين تحت حد معين ..



واله 3 أسباب رئسيسة محتملة :
1-النزيف الحاد ( عشان هيك ممكن يصيب بعض النساء بسبب الدورة الشهرية )


2-تكسير أو تحلل كريات الدم الحمراء..( اشي طبيعي حيقل الهيموغلوبين ) وبتصير بسبب أمراض معينة متل التلاسميا والأنيميا المنجلية وغيرها ..


3- نقص في صناعة الهيموغلوبين ( ازا نقص اشي من المواد الضرورية لصناعته متل الحديد وال B12 وحمض الفوليك folic acid ) وهادا اللي معظم الناس بعرفوه !
وطبعاً ممكن تصير ازا صار في خلل بمصنع كريات الدم الحمراء الي هو في نخاع العظم ..


وكل نوع من هالتلاتة في أعراض معينة بتكشفه..



بس كيف الواحد ممكن يحس أنه عند اللي قدامه فقر دم ؟


الأعراض الشائعة لكل الأنواع انه بصير :


شحوووب ..وممكن تلاقي وجه باهت أو أصفر ..(زي سمايلات محجوب ..كلهم صفر )


تعب عام ..حتى من أقل جهد بتلاقيه مرخيييييي


بصير تركيزه مشتت ومش قادر يقدر يركز ... بتحسه هون ومش هون
ممكن ازا كانت قوية يبدا يحس بديق نفس لما يتعب ( مش بده يقل الأوكسجين الواصل للخلايا ؟ ) .. وممكن يصير قلبه يدق بسرعة لفترات وهادا الي بسموه ..خفقان ..
palpitation



بعدين كل نوع أنيميا ممكن يصاحبها عرض معين أو خاص..

النزيف..ممكن تلاقي دم مع البول أو البراز..


نقص الحديد في بعض الأحيان ممكن يصير يحب يحط بتمه شغلات ما الها علاقة بالأكل...متل انه ياكل ورق أو تراب!! واسمها بيكاpica .. ( عفكرة هادي مهمة بالصغار أكتر! )..
ومع نقص الحديد ممكن يصير في علامات عأضافره .


الــB12 .. بختص بإنه فيه علامات بنقصه بالأعصاب... يعني بحس أطراف أصابعه متخدرة .. ووببلش ينسى وما يقدر يركز ..وممكن يبطل يعرف ينام زي الناس!


والطبيب عبر فحوصات دم معينة بقدر يكشف نوع فقر الدم ..


عشااااااان ندير بالنا منها .. ونققللها ازا ما قدرنا نمنعها أهم اشي:


نراجع الطبيب ازا شفنا أي شي من الأعراض...
ما نطنش أي نزيف مش طبيعي...


ندير بالنا ع أكلنا.. خاصة الحديد وال بي تويلف...


ال B12 موجود بالبيض والحليب واللحوم والأسماك بشكل عام

أما الحديد فموجود
بأقرب ورشة بناء


عنجد: الحديد موجود باللحوم والكبدة والسمك خاصة التونا بشكل رئيس وسهل المتصاص من قبل أجسمانا ( بتعرفوا انه بوباي بضحكو علينا! مش هالقد السبانخ سهل ناخد منه حديد لإنه صعب الامتصاص .. فعشان هيك الليمون اللي بنحطه عليه بخلي طعمه أزكى و بسهّل امتصاص الحديد منه .. ) وبرضه موجود بالخضروات الورقية الخضرا كتييير .. و بعض البقوليات
بدناش نحكي كتييير

معلومات قيمة وهادفة ولكن احيانا يكون فقر الدم وراثيا واشكرك على الموضوع

:evil: السلام عليكم :evil:

شكراً على الموضوع الجيد والمعلومات المفيدة

""""مشكور على الموضوع الرائع والمتميز """
"""وفقك لله """