سلحوفـــــــاتي

أسعدني مرورك .. انا جايبتلهم أكل مخصص للسلاحف البرمائية هو عبارة ن كائنات مائية مجففة ومضغوطة آليا على شكل كرات صغيرة مثل الخرز بس ريحته بشعة وحسيتهن ما حبوه وبيعكر المي .

جربتهم الخس بياكلوه . بس سد جوع يدوب كم عضة .. بس بصراحة ماخطر ببالي الخيار ، رح اسمع نصيحتك واجربه واخليهم يدعولك

روحي الله يوفقك كيف ما اتجهتي

والله دايماً بدعيلك بالخير يا ناردين

وأنا بعطيكي النصيحة عن تجربة

صراحة بموتوا على أكل لخيار

يلالالالالالالالالالالالالالالالا لحفيلهن

خدي هاي ورده جربيلهن يمكن يا كلوا ( الله أعلم)



ههههههههههههههههههههه

ناردين شو رأيك باللوغو الجديد

اذا قصدك المدرج بتوقيعك فهو كتير مرتب و عجبتني الأبيات كتير وطبعا واضح انو من تصميمك انت من كلمة بصاوي على العلم .. انا برغم احتكاكي بالكمبيوتر سنين طويلة لهلأ ما بفهم ببرمجيات الجرافيكس متل الفوتوشوب .

بالنسبة لأكل السلاحف انت بتقول انو عن تجربة .. معناها باقي مربي سلاحف .. يا ترى برية ولا برمائية .. احكيلي عن تجربتك

تربية السلاحف سهلة كتير

زبطي الحوض منيح افرشيه بالحجارة الملونة وحطيلها صخرة في منتصف الحوض عشان تعرف تعرف توقف عليها بحيث

تستطيع أن تخرج رأسها من الماء وسطح القوقعة

وهاي سلحفاتك مائية أي بتوكل طحالب وأسماك فإذا كانت صغيرة لا بد من كرات السمك الجاهزه الصغيرة وإذا كانت كبيرة

إعطيها سمك عادي على طول وأهم إشي غسيل الحوض كل 3 أيام وغلي الحجارة على النار حتى تتعقم (يعني شغلة)

وع فكرة تتميز السلحفاة بالإخلاص والوفاء النادر والإحساس العالي جداً وحاولي دايماً تقربي منها بهدوء بتسير تعرفك وتستشعر

فيك عن بعد وحاولي اتخليها توكل من إيدكي ، بتصير بعدين كل ما تشوفك توقف قبالك وتنتظر حنانك .

وأنا بفضل السلحفاة البرية فهي أسهل للتربية وطعامها المفضل هو الخضار بشكل عام ، وأفضل إشي الخس.....

ولكن هناك العديد من الأشياء التي يمكن للسلحفاة أكلها مثل:

الخيار، الجزر، البندورة، التفاح، العنب، ، كرات (أخضر شبيه بالبصل) ، شمندر، ملفوف، أوراق الخبيزه البرية،

العلت، لوبيا خضراء، الملفوف، البامية، الشمام ، القرنبيط

ويفضل إعطائها الكثير من الخضار والقليل من الفواكه..

يوجد بودرة تباع في محلات تربية الحيوانات نحوي العديد من المعادن الهامة للنمو السليم للسلحفاة خصوصاً الكالسيوم و الفوسفور

يتم رش كمية منه على الطعام بمقدار ربع ملعقة شاي للسلاحف الصغيرة وكلما كبرت السلحفاة نزيد الكمية)).

وع فكرة ناردين بنصحك تغيري سلحفاتك بسلحفاة برية أو ادربيها حتى تصبح برمائية ثم برية

هذا ما أعرفه وتقبلي مني بساطة المعلومات .

شكراً بك ناردين على إطراؤك وثناؤك على توقيعي وصدقيني إنه كل إنسان ممكن يجرب وينجح

وع فكرة أنا معرفتي بالكمبيوتر عن تجربة أيضاً مش عن دراسة وبحب أجرب دايماً والحمد لله بنجح لأنه عندي

إصراراً على الشغلة اللي بحطها براسي وبضل وراها وراها حتى تزبط

والتوفيق من الله

وشكراً على ذوقك الرفيع بكدرش أكول غير هيك.

شكرا كتير على المعلومات ..بس فاجأتي انو سلحوفتي مائية .. ما بعرف بس بعتقد انك غلطان وانها برمائية لإنو اتطلع على اجريها بتلاقي الها اقدام واظافر أما المائية اجريها زي المجاديف .

بعدين اذا لاحظت من الصور السلاحف تاعوني بقضو أغلب وقتهم برا المي وبختارو المناطق الناشفة ينامو عليها : فوق االصخرة ، على درج الجسر ، فوق الفلتر !

ولما ينزلو المي بسبحو شوي وبرجعو للحجارة يعني ما بقضو اكتر من دقائق .

بجوز اكون انا الغلطانة فخبرني كيف ميزت من الصور انها مائية ؟

ميزتها من لونها اللي على خضار مائل للسواء متل سمك السلور تبع نهر العاصي لونه أسود نتيجة تواجده بمياه

فيها طحالب ونتيجة قلة الضوء في الماء فيغلب على الحيوان في الأنهار اللون الغامق. والله أعلم.

بعدين إنت بتقولي اتطلع على اجريها بتلاقي الها اقدام واظافر أما المائية اجريها زي المجاديف .

صححي معلوماتك اطلعي على إديها مش إجريها بتلافيهن متل المجاديف لأنو السباحة بتتم بالأطراف الأمامية

والسلحفاة البرية لونها بني والبرمائية بين وبين أما السلحفاة البرية بإديها مثل إجريها تقريباً

كبريلي الصورة وركزيها عليها وأنا بأللك

1

لا حظي ناردين أيد وأرجل هذه السلحفاة

[ندعوك للتسجيل في المنتدى أو التعريف بنفسك لمعاينة هذه الصورة]

واضح الفرق

والصورة هدية مني لك ( سبحان الله الخالق والمبدع هاي السلاحف ولا بلا)

إيه هيك وضح المرة وقف وقفة تذكارية ههههههههههههههههههههههههه

ومن لونو البني وأطرافه الأمامية يبدولي أنه هجين وفرخ أحواض ومثل هذا النوع أنا لو عندي بعيشو في

مياه ضحله لأنو على ما أعتقد طالع مبندق بري 70% على مائي 30% وع فكرة شايفك حاطه متور هوا أي هاي الأشكال ما بدها ماتور هوا لإنو بكل سهولة بطلع الأفندي وبتكي على الصخرة وبتنفس من هوا ربنا من دون ما يسألك ومستغني عن متورك . هههههههههههههههه

بس الإصابة إلي براسو (ياحرام) مش سهلة وبتدل على إنك مضايقتيه وامطفشي دين أبوه فحاول ينتحر ومازبطت معو

انتبهي لا يسويها مرة تانية وتورطي مع أهله ههههههههههههههههه

أنا بنصحك إنك تعاملي بالحسنى وتقدمي له الخدمات المطلوبة وتتوصي فيه بشيء من السمك والخضار وتقوليلو تفضل يا سيد الكل ، وأمــتترك علـى راســي .

هوي فعلا .. الشي اللي قلته اكتر شي منطقي وقريب للعقل بالنسبة انو هجين وبري اكتر من انو مائي .

هادا فلتر مش موتور هوا .. ومش حاطته لعيونو السود .. ولا لغرض التنفس
حاطته عشان اقلل على حالي عدد مرات تغيير المي وتعقيم الحجار بدل ما كل يوم مرة بصير مرة كل كم يوم مرة ومنها بتوفرلو مية نضيفة متجددة وتيار مائي ( عصفورين بحجر ) .

المهم فلتر ولا ماتور ولا غيروا .. ما تقعدي ادلعيلي في كل يوم ترم بصير نايط وإتكالي

آه فهمت عليكي يعني سلحوفك مش نضايفي وبوسخ كتير ومن كتر ما تعبك جبتي الفلتر عشان تريحي حالك

مش غلط

هههههههههههههه مسمعتش عن سلحوف نضيف وبوسخش الا اذا كان بلاستك .. بعدين المشكلة مش بالسلحوف
الأكل المخصص تاعه هو اللي بوسخ الدنيا وبعكر المية

[ندعوك للتسجيل في المنتدى أو التعريف بنفسك لمعاينة هذه الصورة] حلوة اذا في معلومات عن السلاحف البرية

أبشر يا مدير

بس ناردين ممكن اطلعي سلحوفك وتحطيله وجبة برا الحوض يعني سويلو غرفة سفرا ياكل فيها

ولا ما بستاهل

هو فكرتك كويسة بس بدها قوة قلب وطولة بال وتعويد لإنو برضاش يوكل بره بيته لإنو بكون مرعوب وبس بدو يركض
بس اذا صومته ومحطيتلوش اكل ببيته .. رح يرفض الأكل أول كم يوم برات البيت وبعدها رح يوكل منشان ما يموت من الجوع تبعا لغريزة البقاء الفطرية .. بس بضمنش يجيني قلب أحرمه وأجوعه .

مشكورة والله يعطيكي العافية .. وحلوين ..