أكلة اليبرق( الدوالي) مع العصاعيص ( أجنحة الدجاج)

يبرق مع العصاعيص يا حبي
تحتك دهن شرحــــات متخبي

والتوم نيفا انسـاب واتسوسح
والريحة آاخ , ولي على قلبي
;
والزفرة عم تلمع على خــدودك
اي أبوس روحك قولــة الحلبي

والمرقة عم تنضح بحامضهــا
وعم ينقف الهبّال على عصبي

وكم يبرقاية اتفزرّت واتسقسقت
وانبحتت الرزات على دربــــي

يا يبرق الأحرار كرمــــالـك أنا
بفخر بكوني مواطنٌ عربــــــي

جاية عبالي قول: أنـــــا بحبك
بكل اللغات الشرقي والغربي

يلله استوي وحققلي أحلامي
قد ساف قلبي في لظى اللهبِ

لقد استوى يا فرحتي وسـعدي
ياعمري يا أنسي وَ يـا طربي

هاتـــوا الخبز والطنـجرة كلهــــا
وبعدولي مــــــــا بدي حدا جنبي

لا خيِّ لا أختي لا جدي لا ســـــتي
لا عمي ل ا عمتي لك لا أمي لا أبي

عم أمضغ العصعوص واليبرق سوا
شو هالنعيم هــــادا يــــاربـــي

اذا رحـــت فيهــــا بـــــعـــد هالأكلة
ذنبك يـَأمي هادا ......... مو ذنبي

مممممممممممممممممممممممممممم
والله جعت كتيرررررررررررررررر
بدي ارووووووح اكل
زعلان

انا كمان جعت راح اخلي ماما تعملي اليوم

الله يعطيكي العافية واذا جنبها كوسا محشي بكون ممنونك كمان ..

» أكلة الزرب من المطبخ الفلسطيني
» دهن الدجاج
» الدجاج بالجبن
» فاهيتا الدجاج المكسيكية
» سلطة الدجاج و الخس مع صوص الخردل و العسل