حتى تحصل على الجنسية الحمصية

حتى تكتسب الجنسية الحمصية يجب أن تتوافر فيك الشروط التالية:

· الجنسية الحمصية هبة من الله سبحانه و الحمد لله على هالنعمة.
· لازم تكون مقتنع انو حمص مستقلة.
· لازم تكون كرماوي لإنو الكرامة إنتماء منفصل.
· أن تكون مستعدا لأن تعييد يوم الأربعاء: يعني تصيف عالأخيرتمشي بعكس السير مثلا، تسبح عالشاطئ مع إنو ما في شاطئ عنا بحمص، يعني بدك تدبر راسك، فكل ما هو مألوف يجب تغييره يوم الأربعاء.
· لازم تكون من العالم اللي بحبو أكلة المجدرة مع البصل طبعا إذا ماكنت هيك روح دور على غيرنا.
· لازم تكون مطيع كتير لزوجتك لأنو الحماصنة مرضيين كتير ,يعني بدك تخفف شوي من رجولتك.....
· بدك تكون ظريف كتير مع الموظفين لأنو عنا الموظفين بحمص حساسين كتير و بيزعلوا أوام، يعني بدك تراجعهم بذوء و هدوء بدون ما تجرح مشاعرهم، و لا تنسى .. المعلوم!! اي اي المعلوم لأنو بلاه! مافي شي بيمشي
.لازم يكون عندك سرعة بديهة و تعرف الشوفير اللي ماشي قدامك لوين رايح و كيف بدو يلف او بدو يضرب فرام و لا لاء!! لأنو عنا بحمص ما حدا بيعطي إشارة و كلو بيطحش على كلو!! و على فكرة لازم تزكروا كمان انو يشغلك العداد لأنو وين مارحت رح ياخد منك 50 ليرة لذلك فزكرو مشان يشغل العداد.
· لازم تكون رئتك ملوثة بنسبة 99.999 % لأنو إذا كنت متعود على الهواء النظيف و العليل ما راح يمشي حالك عنا بتمرض بعدين بأمراض مزمنة لأنو عنا كل أنواع التلوث ...
· لازم تحكي عالعريض.
· و لا ننسى الأركيلة .. لازم يكون عندك نفس ماكن يعني شفيط نمرة أولى.
· أكيد بدك تحفظ شعار الحماصنة ... و هوي: الحماصنة الصقور الحرة .. نظرتهم حادة مرة... و اللي بيحبهم مرة بيحبوه ألف مرة و مرة...
و أخيرا و ليس آخراً: إذا وجدت هذه الشروط منطبقة عليك أو بإمكانك الوفاء بها، فأنت جاهز للـ green cardالحمصي، و لحق حالك هالأربعاء لأنو كل أربعاء الشروط بتتغير

هههههههههههههههههههههههههههههههههههه