يوميات شادي 2

قال شادي لزوجته مها : بدي أسميه على اسم أبوي
- ليش تقربني اسم بابا أحلى .
- يا عيني القصة ما أحلى ولا أحلى ، كل الناس وأنا صغير بينادوني باسم ابو عدنان .
- هادا اسم قديم ما بعجب الناس .
- واسم باباك حديث " مسيو عرفان " .
( وهنا قرع الجرس ودخلت حماته )
- جيت بوقتك يا ماما تعالي اسمعي العجايب ... بدو يسمي البيبي عدنان .
- قالت حماته : ما حلو هالإسم .
- بس يا حماتي .
- لا تبسبس ولا عبالك ، خلي اسمكن على ذوقي .
- قالت زوجته : زوق ماما حلو .
- شادي : حل وسط بنسميه بركات .
- قالت حماته على اسم الأستاذ بركات ، هادا تزوج أربع نسوان وما شبعان بدور على الخامسة حتى يبدل وحده منن .
- لكان ما حزرت روحي ، حتى يعديك ، أنا حاكمه بعرفك ، ما بتكفيك وحده .
- طيب حتى ما تزعلي ، بنسميه جابر .
- قالت حماته : على اسم جابر ما غيره ، هادا على ألعن ، وصاحب سوابق بالطلاق .
- مها : حبيبي : ليكون على بال تعملها ، أنا حاسه هالأيام إنو عيونك زايغه ، بدي أسميه علاء .
- شادي : هادا يللي تجوز فطوم بنت اللحام واللي موتت اربع رجال كان آخرهم المرحوم علاء .
- تدخلت حماته كالقاضي وقالت : بدكم تزعلو على شقفة اسم ، خلص سموه على اسم زوجي أبو مرتك حبيبتك عمك عرفان .

مممممممممممممممممممممممممم