يوميات شادي

قال شادي لزوجته : شو مفكري الزواج سجن ، يعني أقطع علاقتي مع العالم الخارجي ، ما بدك أزور أصدقائي ولا أقاربي ، وما بدك أطلع وأفوت ، شو رأيك أبطل من الشغل وأنصمد متل العروس قدامك ، بتنبسطي هيك .

( مها تضع الطعام على المائدة )
قال شادي : حطي الأكل هون على الأرض .
- والله يا حبيبي بابا ما بحب الأكل إلا عالطاولة وأنا ما في آكل إلا على الطاولة .
( تناول بعض الطعام )
- شو شبعت ؟
- الحمد لله .
( تناول جهاز الريموت وقلب المحطات على نشرة أخبار ، وبدورها قلبت المحطة على أغنية صاخبة ، كظم غيظه ، دخلت إلى المطبخ وخرجت بفنجان القهوة ، أخذ منه رشفه )
- كم مره قلتلك ما بحب القهوة إلا عالريحة .
- وأنا قلتلك ألف مرة يا روحي تعود على القهوة هيك لإنه ماما ما بتحبها إلا بسكر .
( ترك الفنجان وتوجه إلى غرفة النوم )
- ودخلك باباك وماماك ما بنامو بكير ، تصبحي على خير يا عمري .
- وانت من أهله يا حياتي .