حرفين و بس بلهجتنا الفلسطينية

حرفين وبس بلهجتنا الفسطينية !!!

في لغتنا الفصحى كثير من الكلمات التي تحتوي على حرفين فقط

واجدادنا .. واباءنا .. واحنا ماشاء الله علينا احترفنا في :

تكرارها
او اضافة معاني جديدة لها
او اضافة كلمات جديدة

هاي الكلمات عبارة عن (افعال امر) ... وفيه كلمات من حرفين فقط ما الها اي علاقة بفعل الامر ورح اعطيكم بعض الامثلة مع المعاني والشروحات

لِــمّ : من لملم واضحة ولكنها تاتي بمعنى اضبط .. مثال (لم اولادك من الحارة)
لِـجّ : تاتي بمعنى إحسد ...مثال .. لا تلج علينا يعني لاتحكي وتفضحنا لحسن تخرّب علينا
لُـخّ : يعني حرك .. مثال (لخ البيض يعني حركه في صحن قبل ان تضعه على المقلاة)
لُـطّ : يعني اضرب بكف ايدك او باي شيء اخر .. مثال .. لط الحردون يعني اضربه باي اشي بسرعة
طُشّ : يعني اطلع غيّر جوّ .. مثال .. طش في السوق
طُـجّ : يعني اضرب بالارض .. مثال .. طج الكرة وشوتها
طُـمّ : يعني اطمر .. مثال طم الحفرة او طم حالك بمعنى اخرس
فِـتّ : يعني ضع خبزا" بالمرقة ... ويوجد معنى حديث لها في لعبة الشدة
خُشّ : بمعنى (ادخل) واضحة
كِشّ : يعني لوّح بيدك ليهرب الذباب مثلا او لتجميع الحمام اوالدجاج بمكان معين
حِشّ : يعني اقطع الحشيش بالمنجل او باي معول اخر
فِشّ : معناها اخرج غلّك ... فش غلك او فش خلقك
هِشّ : انظر لمعنى كِش لانها تاتي بنفس المعنى ولكن هش للذباب اكثر استخداما
رُشّ : هاي واضحة امسك البريش ورش المي على راحتك
وِرّ : يعني اقذف .. مثال .. ور الكرة يعني ارميها علي (بيدك)
وِزّ : يعني بلّغ عن فلان ... مثال .. وز عن فلان لامه واحكيلها شفته بيدخن
حزّ : يعني اقطع الشيء بالسكين او اي اداة حادة ... مثال .. حز هالبطيخة شقحات شقحات الله يسعدك
كِزّ : بتيجي بمعنى اقرف وبتيجي بمعنى يضغط على الاسنان
كُحّ : سلامتكم من الكحة والربو
هُرّ : يعني ادفع (نقود) بالتي هي اطقع
شُرّ : يعني بينقط من مكان ما ... لما يوكل منسف مثلا بيشر سمنة ولبن من ايده
غُزّ : يعني (اغرز) واضحة
حُطّ : بمعنى (ضع) واضحة
نُطّ : بمعنى (اقفز) واضحة
بُط : يعني ابعط او اضرب بعمق ... مثال بطتنا بطت بطتكم بطتين وبطة
حِـلّ : يعني اغرب عن وجهي
فِـلّ : بمعنى (اهرب) واضحة
دِلّ : بمعنى (أرشد) واضحة
بِـلّ : من (البلل) واضحة
هِـلّ : يعني تعال بعد غياب ... مثال .. هل علينا ياشهر رمضان
دُقّ : دق الحديد وهو حامي ... مثال
نُقّ : بمعنى لج ... انظر الكلمة الثانية بالقائمة
شُقّ : بمعنى (حز) التي ذكرناها سابقا ولكن هنا ممكن نشق الثياب مثلا او الحجر
زُقّ : بمعنى (ادفع) واضحة .. عكس جر
جُـرّ : عكس زق
دِزّ : نفس معنى زق ولكنها تستخدم للبشر اكثر من الجماد
فِـزّ : بمعنى قوم بسرعة بلا كسل
هِزّ : من (الهزة) واضحة
لِزّ : معناها قرّب اكثر ... مثال .. لز علي واحنا بنصلي لانها سنة (تراصّوا)
مِـدّ : يعني افرد بالعامية ايضا .. مثال .. مد رجليك على قد لحافك
قِدّ : يعني امزع بالعامية ايضا وتناسب الثياب ... مثال .. قد هالشريطة لنصين
هِـدّ : من (الهدد) ... هد الحيط .. هد السقيفة .. هد حيلي الله يهد حيلك
جِـدّ : هذه في موسم الزيتون .. بمعنى اضرب ثمر الزيتون (العالي) بالعصاة حتى يسقط
سِـدّ : بمعنى (اغلق) واضحة
عِـدّ : من (العدد) واضحة
ظَـلّ : يعني ابقى ... مثال ... ظل هون لحتى ارجعلك .. يعني خليك هون
ضـمّ : بمعنى اجمع اشياء او اقبض بيدك على اشياء او اقبض يدك بحد ذاتها ... نقول ظم ايدك
حِـفّ : بمعنى (اقشُر) .. حف الخشب يعني اقشره حتى ينعم
كرمتوا يا جماعة : تِـفّ : ابزق
لِـفّ : واضحة مابدها (لف) ولا دوران
هِـفّ : يعني امسكلك كرتونة ولا غطاية طنجرة وهف على حالك حتى يجيك الهوا وتبورد
ضب : بمعنى ضع كل شيء في مكانه الصحيح ... نقول ظب الاغراض
بِـح : يعني نظف الغرض بالماء وتقال وقت الجلي .. للتنظيف بالماء فقط دون صابون
جِـزّ : يعني اضرب بحد منجلك .. جز الحشيش
خُض : بمعنى (خض) واضحة .. خض اللبن حتى يصبح لبنة
كِتّ : يعني انفض .. نقول كت الغبرة
عُض : يعني (عض) واضحة
عُصَ : يعني (اضغط) .. عص عالجرح حتى يوقف النزيف مثلا
كِـبّ : يعني ارمي ... نقول كب الزبالة في الحاوية مثلا
زِت : كمان يعني ارمي .. زت (الشيء) من يدك
دِبّ : كمان يعني ارمي او القي

لكم مني كل الاحترام

منقووووول

</FONT></SPAN></FONT>

رائع جدا والله يقويكي ويعطيكي العافية ارتهاج ومتألقة دائما

تسلم أخي سفير
كلك ذوق

ههههههههه اي والله مزبووط ..

تسلم اديكي

أكيد مزبوط
شفت ما أحلى لهجتنا ؟
السهل الممتنع
شكرا لمرورك طارق

» ج4:المخيمات الفلسطينية
» ج3:المخيمات الفلسطينية
» الدبكة الفلسطينية
» ج2: العملة الفلسطينية
» بعض المدن الفلسطينية