طيقة عمل المسخن الفلسطيني

موضوع: طيقة عمل المسخن الفلسطيني 2011-04-24, 4:06 pm

أقدم لكم أكلة فلسطينية أكيد ما في بيت فلسطيني ما قدمها على سفرته

بتتقدم كفطبق رئيسي بالولائم
تفضلوا معي******** و صحة ألف هنا مقدما

طريقه عمل المسخن الفلسطيني

اول شيء نضع الدجاج بعد تغسيله وتنظيفه جيدا في ماء على النار
ونضيف ملعقة ملح صغيره والبصله الصامده

حتى تتكون لدينا الرغوة او القشطه وترفع هذه الاخيره عن الدجاج

ملاحظه"الملح لمنع الرغوة من الانفصال داخل مرق الدجاج بحيث تفضل ماسكه نفسها جيدا"

بعد رفع الرغوة جميعها تضاف الباقة العطريه وتترك على النار حتى ينضج الدجاج

في هذه الاثناء نفرم البصل حجم ناعم اوممكن جوانح - بس قلة اللي بيعملوها جوانح
أما المسخن عل أصوله بينعمل على بصل ناعم

يحمى الزيت على النار ثم يضاف البصل بحيث يكون الزيت غامر كمية البصل
يضاف للبصل رشة ملح خفيفه ويترك لمده تتراوح من 5 الى 10 دقائق حتى يذبل
الأفضل ما يذوب كثير بالزيت علشان ما يختفي طعمه

يرفع عن النار وتضاف له كميه وفيرة من السماق ويحرك جيدا اويقلب

نأتي الان بالخبزو يفضل خبز تنور متل ما منقول بلهجتنا الدارجة
الرغيف يكون معجعج مش رقيق

يدهن وجه الخبز واطرافه بالزيت - زيت الزيتون طبعا إذا بكم الطعم على أصوله
و هو نفس الزيت الذي ذبلنا فيه البصل
وتوضع كميه وفيره من البصل على الرغيف وتوزع عليه جيدا

يدخل للفرن من الاعلى والاسفل لكي يأخذ لون على الوجهين ويحمر وايضا للحصول على القرشه اللذيذه

- في ناس ما بيتدخله عالفرن- و هاي بتبقى حسب الرغبة

"ملاحظه " "في ناس بيشربوا الخبز القليل من مرق سلق الدجاج كميه لا تذكر

و لا افضل ذلك حتى ما يفوش و يتشتش الخبز ويظل ماسك حاله وإله قرشة

الان يكون الدجاج قد نضج
بنرفعه عن المرق ويوضع في صينيه

نضيف عليه القليل من زيت البصل وسماق

وندخله للفرن هو الاخر لتحميره على الوجهين

في هذه الاثناء نصفي مرق الدجاج ونضعه في قدر الضغط ونضيف فريكه مغسوله ونظيفه عليه ويقفل القدر

ويترك على النار لاعداد شوربة الفريكه التي لا غنى عنها بجانب المسخن

مدة الاستواء بقدر الضغط لا تتعدى الربع ساعه
في هذه الاثناء نقوم بتحمير الخبز والدجاج حتى تنضج الشوربة

طريقة التقديم

يوضع الخبز في سدر كبير ويصف الدجاج فوقه ويزين بالمكسرات حسب الرغبه

ألف صحة و ألف هنا
دمتم بكل الخير

دخيل رب هالأكلة ما اطيبها ...
باكلها من تحت ايدين ستي الله يخليلي اياهااا ..على الطريقة الفلسطينية ..مممممممممم يا لذيذ يا رايق ..شي كتيير لذيذ ..
جوعتينا ارتهاااااااااج هههه ..
بشكرك ..على هالطبق الرائع ..
طيقة عمل المسخن الفلسطيني 042411030404jjb2simkurckd

طيقة عمل المسخن الفلسطيني 042411030404jjb2simkurckd

طيقة عمل المسخن الفلسطيني 042411030404748xh1md

الله يخلي لك ستك
تسلم ايديها ...
الأكلات من السيدات الكبار بالعمر
بتحس فيها عبق الماضي
و روح فلسطين بانفاسها
شكرا الك طارق
و سلام لستك

الله يسلمك يارب ..واشوفك بخير وعافية ..
وانا معك بكلامك .
شكرا ارتهاااج

هاي على الطريقة الفلسطينية اللي إحنا متعودين عليها ..

وفي طريقة ثانية أنهم يسحبوا العظم من الدجاج كل رغيف لحالو يحطوا داخلواالدجاج والبصل..

ويلفوه مثل السندويشة و يصفوه بالصينية ويدخلوها الفرن..حتى تتحمر ...

بس الطريقة اللي حكيتي عنها اطيب بكثير..

تسلم أيدك وصحتين وهنا...

و إيديك يا رب
صحة و هنا على قلبك
احنا ما بيعبي راسنا الا شغل بلادنا زيتونة
الأصلي تمام
lol!

مممممممممممممممممممم الصراحه انا اول مره بشوفها وبسمع فيها بس مبين عليها كتير طيبه
جوعتيني هههه
يسلمو اديكي يا قمر

حلووووووووووووووووووو كتييييييييييير

والله لحد الان الست الوالدة بتعملها على طريقة ستي المتوفية وبتطلع غيييييييير شكل

ابقي جربيها سيدرا
ماا بتندمي

صحتين ملك
الله يخليلك الست الوالدة
و يرحم ستك
أكيد عاملينها على أصولها
شي أكيد طيبة

اوكي حبيبتي من عيوني راح جربها
وكل ما اعملها راح اتخيلك معي اعده وعم تاكليلي اياها ههههههههههههههههههههه

صحة وهنا للجمييييييييييييييييع

وربي يحميلكم امهاتكم وامهات المسلمين أجمعيين

على قلبك يا طارق
امين

وخلص لعيونكم كلكم

الكم عزيمة على المسخن عند أبو جمال الملك

كبييييييييييييييييييييييييير يا ملك

» العلم الفلسطيني
» انا الفلسطيني و افتخر
» أكلة الزرب من المطبخ الفلسطيني
» طبقات المجتمع الفلسطيني
» طرق عصر الزيتون الفلسطيني قديما